Rama: Drejtësia e re po vonon, dënohet zyrtari i lartë për një arkë peshk

“Drejtësia e re ende po vonon apo ngurron, nuk e di akoma këtë që të hyjë në kraterin e vullkanit të padrejtësive 30-vjeçare”.

Kjo është deklarata e bërë nga kryeministrit Edi Rama në kongresin e PS-së që po zhvillohet këtë shtunë.

Rama u fokusua edhe tek dënimi i ish zv. Ministres së Brendshme, Rovena Vodo, ku tha se drejtësia po dënon një zyrtar të lartë për një arkë peshk.

“Ndërkohë që dënon një zyrtar të lartë për një arkë peshk në këmbim të një punësimit të pakryer, por për këtë do flas pak më tej”, tha Rama.

Ai shtoi se dallimin mes qeverive e bëjnë pikërisht vendimet që ato marrin dhe punët që ato bëjnë dhe taksat që ato mbledhin.

“50 mijë familje shqiptare që ishin më të varfër, janë sot më të fortë”, tha kreu i qeverisë.

LEXONI GJITHASHTU:

• Çmimi i energjisë do të rritet për 5% të popullsisë
• Spiropali: Kemi fituar luftën kundër kultivimit të kanabisit