Rama e ironizoi për lapsusin, Basha i përgjigjet: Po fshihesh si struci

Kryetari i Partisë Demokratike, Lulzim Basha i është kundërpërgjigjur kryeministrit, Edi Rama për ironizmin që i bëri lapsusit të tij gjatë një konference për mediat.

“Kur vjedhja galopante, keqqeverisja, ekonomia dhe shëndetësia janë sot drama e çdo shqiptari, KM fshihet si struci pas një lapsusi. Tragjike dhe me pasoja është të kesh një KM që nuk do ta t’ia dijë për 6 në 10 biznese drejt mbylljes, e 100 mijë shqiptarë që kanë humbur punën”, shprehet z. Basha.

Duke iu referuar situatës së rëndë ekonomike ku ndodhen bizneset, kreu i PD tha “6 në 4 biznese nuk nxjerrin fitim”, në vend që të thoshtë “6 në 10”. Por, kaq mjaftoi që rrjetet sociale të gëlonin në komente dhe sarkazma për kreun e opozitës.

Kur vjedhja galopante, keqqeverisja, ekonomia dhe shëndetësia janë sot drama e çdo shqiptari,KM fshihet si struci pas një lapsusi. Tragjike dhe me pasoja është të kesh një KM që nuk do ta t’ja dijë për 6 në 10 biznese drejt mbylljes, e 100 mijë shqiptarë që kanë humbur punën.

— Lulzim Basha (@lulzimbasha_al) October 13, 2020

Ironizimi dhe talljet e kundërshtarit janë kthyer në një nga armët më të forta të liderëve politikë në vend. Vetë Basha vetëm pak orë më parë ka ripostuar një meme që një prej ish-deputetëve të PD-së kishte postuar në Twitter.

Cilin aeroport ndërtoi sot Rama në 4K? pic.twitter.com/PrWwwghvmP

— Endrin Gjipali (@EndrinGjipali) October 12, 2020