Një ditë para hapjes së fushatës elektorale të PS, më 12 prill, kryeministri Edi Rama foli lidhur me rolin e rëndësishëm të grave dhe vajza dhe atë çfarë mund të sjellin për Shqipërinë me anë të Partisë Socialiste.

“Sot jemi mbledhur njëkohësisht në 12 qarqet e vendit, ku po zhvillohen 12 garat e përballjes elektorale për kuvendin e ardhshëm për të nisur zyrtarisht fushatën e 11 majit. Shqipëria është grua, Evropa është grua dhe suksesi i përpjekjes për Shqipërinë 2030 në BE varet në radhë të parë nga nënat, motrat dhe bijat e Shqipërisë. Nuk ka asgjë që mua më bën më shumë krenar për PS sesa fakti që kjo forcë politike mbështetet fuqimisht nga gratë dhe vajzat e Shqipërisë.

Mbështetjen kuptimplotë prekëse dhe inkurajuese të pjesës më të ndjeshme, më të të arsyeshme, sakrifikuese të popullit, gratë dhe vajzat nuk do ta ndërroja kurrë me mbështetjen e pjesës tjetër”, u shpreh Rama.

Më tej, ai shtoi se  një nga qëllimet e PS do të jetë arritja e një numri prej 50 mijë gra dhe vajza që angazhohen ne këtë parti politike.

“Flamuri që kanë qëndisur gratë e Partisë Socialiste gjatë gjithë vitit do të mbulojë gjithë hartën elektorale të 11 majit. Mëngjesin e 12 majit, Shqipëria do të zgjohet e mbuluar me ngjyrën rozë, që është ngjyra e grave dhe vajzave, por gjithashtu edhe ngjyra e Partisë Socialiste të Shqipërisë.

Ajo çfarë gratë dhe vajzat mund të sjellin për Shqipërinë përmes PS-së është një vlerë e shtuar, speciale që me gjithë dëshirën e madhe, burrat nuk e krijojnë dot pa gratë dhe vajzat.

Nuk duhet të ndalemi këtu, nuk do pajtohemi me veten derisa ta bëjmë 50 mijë numrin e grave dhe vajzave në PS”, tha kryeministri Edi Rama.

LEXONI GJITHASHTU:

• Rama: Të hënën në Bruksel për hapjen e një grupi të ri kapitujsh me BE
• Në prag të çeljes së fushatës zgjedhore, Fatmir Mediu pret Chris LaCivita