Rama homazhe për Adem Jasharin: Ngjiti shpirtin në altarin e Heronjve të Kombit

Kryeministri Edi Rama ka ndarë një postim në Facebook me anë të të cilit ka kujtuar heroin dhe komandatin legjendar të Ushtrisë Çlirimtare të Kosovës, Adem Jasharin.

Heroi i lindur në ditën e pavarëisë do të bëhej sot 68 vjeç, por ai e sakrifikoi jetën në shërbim të lirisë.

Kryeministri Rama ka kujtuar sakrificën e Adem Jasharit duke shkruar:

“68 vite më parë Adem Jashari erdhi në këtë botë mu në Ditën e Flamurit Kombëtar dhe iku nga kjo botë duke e lënë trupin pa jetë, si një monument të shtrirë në mesin e shtëpisë ku mbante flamurin kombëtar, e duke e ngjitur shpirtin në Altarin Qiellor të Heronjve të Kombit. Lavdi!”-shkruan kryeministri.

LEXONI GJITHASHTU:

• Festa e Pavarësisë bashkon Ramën e Kurtin, homologët i japin dorën njëri-tjetrit
• “Flamuri, Pavarësia, Bashkimi, Liria”, Kurti uron nga Vlora shqiptarët