Kryeministri Edi Rama iu është drejtuar deputetëve të Partisë Demokratike gjatë seancës së sotme në Kuvend, në lidhje me debatet që kanë përfshirë këtë forcë politike.
Sipas Ramës, ajo që po ndodh në Partinë Demokratike është diçka që deputetët e saj e kanë merituar, teksa shtoi se i bazohet fakteve dhe jo thashethemeve.
“Nëse ju jeni të vetëdijshëm se në çfarë momenti jeni, bëni mirë ta qepni gojën në raport me të tjerët, duke u çliruar nga hijet e vetvetes. Unë jam njeri që i respektoj njerëzit dhe faktet. Nuk merrem me llafe, thashetheme dhe me baltë. Gjyqet e shtrigave i bëni ju.
Prandaj jeni viktima të gjyqit më të madh të shtrigave që ka ndodhur në këtë vend pas vitit 1990. Po ju ndodh ajo që keni merituar. Prisni, prisni se ka akoma, nuk keni mbaruar akoma. Deri në fund e meritoni dhe deri në fund do ju ndodhë”, tha Rama.
LEXONI GJITHASHTU
- Rama i përgjigjet Tabakut: S’i kemi dhënë asnjë qindrakë Becchetti-t
- Çuçi thirrje opozitës: Të bashkohemi për t’ua hequr pasuritë kriminelëve
