Rama: Janë marrë masa për çdo përshkallëzim të konfliktit Rusi-Ukrainë

Kryeministri Rama deklaroi se ministria e Jashtme është e përgatitur për çdo përshkallëzim të konfliktit Rusi-Ukrainë.

Në një bashkëbisedim me gazetarët shqiptarë në Uashington, Rama tha se janë disa qytetarë shqiptarë që kontribuojnë në monitorimin e OSBE-së.

“Jemi shumë të vetëdijshem për përgjegjësinë e pozicionit të ri që kemi marrë në arenën ndërkombëtare falë pozicionit tonë në Këshillin e Sigurimit,” – u shpreh kryeministri.

Sipas tij pozicioni në Këshillin e Sigurimit është i rëndësishëm dhe vlera e tij duket që nga rritja e ndjeshme e kontakteve.

Rama përsëriti se janë palë me SHBA-në dhe partnerët e Evropës Perëndimore në çdo hap që do ndërmerret për çështjen Rusi-Ukrainë.

LEXONI GJITHASHTU:

• Kryeministri Rama takon sot Sekretarin e Shtetit, Antony Blinken
• Rama për inceneratorët: Nëse ka ministra të përfshirë, të ndëshkohen