Rama kritik ndaj BE-së, Haxhiu: Nuk ishte kundër BE-së por udhëheqësve që nuk mbajtën premtimet

Për fjalimin kritik ndaj BE-së të kryeministrit Rama në samitin e Sllovenisë, analisti Baton Haxhiu tha në emisionin “Shock” se Edi Rama nuk është kundër Bashkimit Evropian, por kundër udhëheqësve të cilët nuk kanë mbajtur premtimet e bëra drejt vendeve të Ballkanit Perëndimor.

“Nuk ishte kundër BE-së, por kundër udhëheqësve të BE-së që kanë premtuar gjëra që nuk i kanë realizuar”, u shpreh analisti Haxhiu.

Baton Haxhiu tha se kur një person që bën një fjalim si i Ramës, i ka humbur shpresat se do të ndryshojë gjendja në vendin e tij.

Analisti tha për kryeministrin se ka treguar “guxim intelektual përballë njerëzve që kanë vulën e asaj që quhet nënshkrim për të hapur derën”.

LEXONI GJITHASHTU:

• Rama kritik në Samitin e Brdo: BE po humbet fytyrën në sytë e popujve të Ballkanit Perëndimor