Rama: Kurti ka bërë gjënë e duhur, askush të mos e akuzojë për tradhti

Kreu i qeverisë Edi Rama ka reaguar pas takimit të djeshëm mes Albin Kurtit dhe Aleksandër  Vuçiç në Bruksel ku u diskutua plani europian i cili nuk u nënshkrua nga Serbia.

Në një postim që ka bërë në rrjetet sociale, Rama tha se Kurti ka bërë gjënë e duhur duke e pranuar planin dhe u ka bërë thirrje që askush mos ta akuzojë për  tradhti.

“Uroj që askush të mos e akuzojë Albin Kurtin për tradhëti apo harresë, por gjithkush të kuptojë se kryeministri i sotëm i Kosovës ka bërë gjënë e duhur, duke hedhur një hap të parë me shumë rëndësi drejt daljes nga kurthi i të djeshmes. Hapa të tjerë pasofshin pa humbur kohë”- shkruan Rama.

Zbatimi i propozimit evropian për normalizimin e raporteve, është hapi i radhës që Kosova dhe Serbia duhet të ndërmarrin në një periudhë relativisht të shkurtër kohore. Propozimi, që palëve iu dorëzua shtatorin e kaluar, u pranua gjatë takimit të 27 shkurtit mes kryeministrit të Kosovës, Albin Kurti, dhe presidentit të Serbisë, Aleksandar Vuçiq, në praninë e ndërmjetësuesve evropianë. Plani i Bashkimit Evropian u firmos nuk u firmos dje nga Serbia.

LEXONI GJITHASHTU: 

• Ukraina thotë se Rusia po rrit numrin e ushtarëve në lindje
• Takimi në Bruksel, Kurti: Isha i gatshëm të nënshkruaj propozimin e BE, Serbia jo