Rama lajmëron nga Vlora hapjen e ambienteve të brendshme të lokaleve

Kryeministri Edi Rama, nga Vlora lajmëroi se ditën e sotme do të dalë njoftimi i Ministrisë së Shëndetësisë për hapjen e ambienteve të brendshme të lokaleve, të cilat e kanë të ndaluar shërbimin në ambiente të mbyllura prej më shumë se 6 muajsh.

Menaxherët dhe pronarët e bizneseve që u vizituan nga kryeministri vlerësuan ndihmesën e qeverisë me pagat e luftës gjatë periudhës së pandemisë dhe uljen e tatim fitimit në zero apo uljen e TVSH-së. 

Nga ana e tij, kryeministri sqaroi se qëllimi i tyre është t’i çlirojnë bizneset nga çdo kontroll apo presion inspektorësh duke pasur në qendër të vëmendjes vetëm mbikëqyrjen kundër punës në të zezë.

Ai përmendi tre aspekte kryesore sa i përket monitorimit të respektimit të punonjësve, ndër to pagesa e rregullt, punonjësit e regjistruar dhe sigurimet shoqërore-shëndetësore.

Pronari i një biznesi suveniresh në qytetin bregdetar u shpreh pozitiv sa i takon përmirësimit të situatës ekonomike duke shpresuar se më e keqja kaloi.

Në Vlorë janë konkretisht 5800 biznese që do të përfitojnë nga heqja e tatim fitimit dhe TVSH-ja.

Lexoni gjithashtu : 

Nga 1 tetori hapen baret, restorantet dhe pishinat në ambientet e mbyllura, klubet e natës vijojnë të mbyllura