Rama mbledh grupin parlamentar në Pallatin e Brigadave, çfarë pritet të diskutohet

Kryeministri Edi Rama mbledh sot në Pallatin e Brigadave, grupin parlamentar socialist.

Gazetarja Eksiola Shehu raportoi se në mbledhjen e sotme pritet të diskutohet lidhur me objektivat e legjislaturës së re dhe ecurinë e punës së komisioneve parlamentare të përhershme dhe të përkohshme, ku pritet të raportojnë 13 kryetarë dhe nënkryetarë të tyre.

Rama do të jetë i pari që do të hapë mbledhjen, ndjekur nga fjala e kryetarit të kuvendit Niko Peleshi dhe më tej do të flasë edhe kryetari i grupit të PS, Taulant Balla.

Kjo mbledhje e grupit të PS vjen 3 ditë para nisjes së legjislaturës së re në Kuvend, të hënë në orën 17:00.