Kryeministri Edi Rama mbajti këtë të enjte një konferencë për shtyp me komisioneren për Zgjerimin e BE-së Marta Kos.

Në konferencën e përbashkët me Komisioneren e BE-së për Zgjerimin Marta Kos, kreu i qeverisë Edi Rama theksoi se Shqipëria e ka pritur me entuziazëm marrjen e këtij posti prej saj. Sipas Ramës, kjo lidhet me faktin se Kos është “më pranë nesh, se sa Brukselit”.

Rama shtoi se Shqipëria nuk ka rrugë tjetër veç asaj të bashkimit në BE.

“Ne folëm me komisioneren edhe për të shkuarën e cila na ka mësuar në mënyrën më brutale që pse rruga e vetme e jona është rruga e BE. Ne jemi shumë të vendosur ta përmbushim me sukses objektivi për përfundimin e negociatave brenda 2027. Ambicia im, e jonë është që shqiptarët të marrin pasaportën e BE brenda kësaj dekade dhe të mundet që kur të ulen në aeroportet e Evropës të hynë nga ai sporteli me konstilacionin e yjeve e jo nga sporteli ku lexon të tjerët. E fundit, Parlamenti i Shqipërisë ka sot në tryezë marrëveshjet financiare për planin e rritjes që i hapin rrugë edhe fillimit të financimit të fondeve që janë rreth 1 miliardë euro të dedikuara për Shqipërinë, Kështu që e dashur Marta, ne duam lekët tona”, tha Rama.