Rama, mesazh partnerëve: Unë i kuptoj, por ulje me zor nuk kam parë! Koha nuk na pret

Kryeministri Edi Rama, i cili është edhe Kryetar i Partisë Socialiste, foli këtë të premte pas përfundimit të mbledhjes me Grupin Parlamentar të PS-së, ku morën pjesë edhe anëtarë të qeverisë.

“Do të veçoj një konkluzion nga fjala e Kryetarit të Grupit, ne jemi këtu për të bërë punën tonë. Dhe për të gjitha arsyet që i dimë, puna nuk pret. Do të ishte qershi mbi tortë që të tjerët të interesohen për të njëjtën punë që është integrimi në BE. Ata nuk janë të interesuar, përkundrazi, janë të interesuar ta pengojnë këtë proces. Nuk do të heqim dorë nga gatishmëria për të bashkëpunuar, por nuk do të presim për të vazhduar punën tonë. Unë e kuptoj thirrjen e partnerëve për dialog dhe konsensus, por bashkëpunime me zor nuk kam parë. Për ne, është e rëndësishme të mos mbyllim dyert”, tha Rama.