Lëvizje të reja në disa qarqe, zbulohen ndryshimet e drejtuesve politikë të PS

Kryeministri Edi Rama këtë të shtunë gjatë mbledhjes së Asamblesë së PS ka njoftuar ndryshime të drejtuesve politikë të qarqeve. Gazetarja e Euronews Albania, Eksiola Shehu raporton se Eduard Shalsi largohet nga drejtimi i qarkut te Kukësit. Ai është deleguar në njësi në Tiranë.

Gjithashtu mësohet se Elisa Spiropali është deleguar në një njësi në Tiranë. Nuk është folur ende nëse qëndrojë apo jo si drejtuese qarku.

Gazetarja Shehu më parë theksoi që pritet të ketë disa ndryshime në qarqe të drejtuesve politikë. Ajo shtoi se është e konfirmuar se në qarkun e Fierit do të vijojë të qëndrojë Belinda Balluku.