Rama në Asamblenë e zgjeruar të PS-së në Fier, çfarë do të diskutohet

Kryeministri Edi Rama ka mbërritur pasditen e kësaj të shtune në sallën e teatrit “Bylis”, ku do të zhvillohet Asambleja e zgjeruar e Partisë Socialiste për Fierin.

Në fokus të këtij takimi pritet të jetë forcimi i strukturave të Partisë Socialiste, si dhe procesi i zgjedhjeve të reja brenda partisë. Gjithashtu, pjesë e diskutimeve do të jetë edhe platforma organizative dhe përgatitjet për zgjedhjet vendore.

Takimi zhvillohet në kuadër të riorganizimit të strukturave dhe mobilizimit të bazës për sfidat e ardhshme elektorale.

Ndërkohë, më herët kryeministri Rama ka zhvilluar disa takime edhe në Lushnjë, ku fokusi kryesor kanë qenë fermerët dhe hapja e qendrës së re të kontrollit teknik të automjeteve.