Rama niset drejt Dhërmiut, të hënën vijon në Vlorë turin “Punët për Shqipërinë”

Pas përfundimit të takimeve në Fier të shtunën pasdite, kryeministri Edi Rama është nisur drejt Dhërmiut.

Ndërkohë, të hënën ai do të vijojë turin e takimeve “Punët për Shqipërinë” në qytetin e Vlorës, ku janë parashikuar disa ndalesa dhe takime të rëndësishme.

Sipas informacioneve, Rama do të inspektojë fillimisht Bulevardin e Palmave, për të vijuar më pas me shëtitoren në Plazhin e Vjetër.

Në orën 11:00, kryeministri pritet të zhvillojë një takim me Asamblenë e Partisë Socialiste në Vlorë, në Pallatin e Kulturës “Labëria”, si dhe një takim të veçantë me përfaqësues të biznesit të qytetit.