Rama në Ballsh për vaksinimin: Do kapim majat e klasifikimit dhe dalim nga tuneli i sfilitës

Kryeministri Edi Rama deklaroi nga Ballshi, se me ritmin e vaksinimit, Shqipëria do të ngjitet shumë shpejt ndër shtetet e para të rajonit dhe Europës.

Sipas tij, mandati i dytë u thye në mes, por shumë shpejt vendi do të dalë nga “tuneli sfilitës” i pandemisë.

“Shumë shpejt do të ngjitemi në pjesën e sipërme të klasifikimit të vendeve të Europës për nivelin e vaksinimit dhe shumë shpejt do dalim përfundimisht nga ky tunel sfilitës i kësaj pandemie”, tha Rama.

Ai hodhi kritika për kundërshtarët politikë, ndërsa tha se janë munduar që pandeminë dhe tërmetin t’i konsiderojnë si aleatë kundër qeverisë.

“Mandati i dytë ka qenë mandat i thyer në mes nga kjo luftë në dy fronte dhe kur sheh që ata që duan të vijnë në krye të vendit flasin sikur as njëra dhe as tjetra nuk kanë ekzistuar dhe nuk eksitojnë, përkundrazi edhe tërmetin edhe Covid-in janë munduar dhe mundohen t’i bëjnë aleatë, shtoi Rama.