Rama në Berat: Shqipërinë do e bëjmë kampione të turizmit

Kryeministri Rama zhvilloi këtë të premte takim me fermerët në Berat. Kreu i qeverisë deklaroi se Shqipëria ka resurse për të zhvilluar turizmin, ndaj dhe sipas tij duhet të nxitet ardhja e investitorëve të huaj.

“Shqipërinë do ta bëjmë kampione të turizmin, nuk ka Mali i Zi asgjë më shumë se ne, po ja ku është,

sepse ne kemi detin, malin ngjitur me detin, kemi tokën, diellin, jemi vendi i dytë më i pasur me ujë në gjithë kontinentin dhe tani jemi të vendosur të sjellim investitorët e mëdhenj që tani po hyjnë në investimet e mëdha në bregdet.

Të nxisim agroturizmin, të sjellim sa më shumë emigrantë, të sjellin kursimet e tyre, të ribëjnë shtëpitë e të gjyshërve, të forcojmë agroturizmin”, tha kryeministri.