Rama në Samitin e NATO-s në RMV: Krizat po rrezikojnë drejtpërdrejtë rajonin

Kryeministri Edi Rama ndodhet në RMV ku po merr pjesë në takimin e liderëve të pesë vendeve anëtare të NATO-s nga Europa Juglindore.

Në fjalën e tij përshëndetëse Rama tha se ky takim vjen në një moment kur krizat rrezikojnë drejtpërdrejtë rajonin ndaj të gjithë duhet të përqendrohemi tek mbrojtja dhe ruajtja e stabilitetit.

“Së pari dëshiroj që në gjuhën shqipe t’u uroj të gjithë shqiptarëve këtu në Maqedoninë e Veriut ditën bekuar të Alfabetit. Nga ana tjetër, më vjen shumë mirë që sot mblidhemi këtu  në këtë moment jo të lehtë për të gjithë, një moment luftërash dhe krizash të rënda, që kanë potencialin të rrezikojnë drejtpërdrejtë edhe anën tonë, një moment kur këtu në rajon të gjithë duhet të fokusohemi tek mbrojtja dhe ruajtja e asaj që kemi arritur, që është jo pak, një paqe e brishtë e përgjithshme, po sidoqoftë një paqe dhe të vëmë të gjitha forcat për ta bërë këtë paqe përfundimtare dhe të qëndrueshme”, tha Rama në fjalën përshëndetëse.

LEXONI GJITHASHTU:

• Rama takon ambasadorët e Ligës Arabe dhe Izraelit: Shqetësimet që ndava
• Sekuestrohen mbi 300 doza kokainë, Tempulli çon në pranga 3 persona