Rama në Vatikan: Vizita nisi nga Genazzano, krah Zojës së Shqipërisë qëndron dhe flamuri ynë

Kryeministri Edi Rama përmes një postimi në “Facebook” ka ndarë pamje nga takimi i tij në Vatikan. Rama shkruan se vizita e tij nisi në bazilikën e famshme “Genazzano”.

Ai thekson se në këtë bazilikë është një copë e shkëputur nga muri i Kishës së Shkodrës në vitin e 1467. Rama shton se që nga ajo kohë asnjë kryetar qeverie shqiptare nuk e ka vizituar bazilikën ku krah Zojës së Shqipërisë qëndron edhe flamuri ynë kombëtar.

“VIZITA NË VATIKAN për takimin me Atin e Shenjtë, nisi sot nga Genazzano, në bazilikën e famshme, ku gjendet shembëlltyra e Zojës së Këshillit të Mirë, mbi një copë të shkëputur nga muri i Kishës së Shkodrës në vitin e largët 1467.

Që nga ajo kohë asnjë kryetar shteti ose qeverie shqiptare nuk e kishte shkelur pragun e bazilikës, ku krah Zojës së Shqipërisë qëndron përherë edhe flamuri ynë kombëtar, e ku kanë kryer vizita e rite thuajse të gjithë Papët e Romës. Gjëja e parë që bëri edhe Papa Leoni XVI sapo u zgjodh, ishte vinte e të lutej në Genazzano te Zoja e Shqipërisë që thirret edhe Regina di Albania – Mbretëresha e Shqipërisë”, shkruan Rama.