Rama nga Beogradi: Vendet e BE-së po mbajnë peng zgjerimin

Kryeministri Edi Rama thotë se Bashkimi Evropian ka vështirësi në vendimmarrje dhe është kthyer në një vend ku zgjermi po mbahet peng nga agjenda e secilit vend anëtar.

Në një intervistë për “Euronews Serbia”, Rama u shpreh se zgjerimi i unionit varet nga politikanët e çdo vendi anëtar, që del pas zgjedhjeve.

“Mendoj se BE ka një problem sistematik me vetveten. Ka vështirësi në vendimmarrje, është i influencuar nga dinamika e politikave kombëtare, është kthyer në një vend ku zgjerimi po mbahet peng nga agjenda që nuk kanë lidhje me Evropën, por janë agjendat individuale të vendeve anëtare.

Ne varemi shumë nga zgjedhjet e tyre dhe mesa di unë kanë rreth 27 zgjedhje; 27 zgjedhje lokale, 27 rajonale, 27 evropiane; disa prej tyre janë të përbashkëta, disa jo, pra kanë zgjedhje gjatë gjithë kohës. Dhe unë u kam thënë qytetarëve të mi, nëse doni të dini sjelljen e këtij apo atij vendi në 6 muajt e ardhshëm shihni nëse kanë zgjedhje”, deklaroi Rama.

LEXONI GJITHASHTU

• Rama: Open Balkan, mundësi e mirë për dialogun Kosovë-Serbi
• ‘Tensionet në veri’, Rama: Do ishin zgjidhur nëse Kosova do ishte në Open Balkan
• ‘Njihni Kosovën’, Rama tregon çfarë i tha Vuçiç për deklaratën në Beograd