Rama nxjerr shifrat: Sa studentë do të akomodohen në “Qytetin Studenti” këtë vit

Kryeministri Edi Rama ka bërë të ditur përmes një postimi në rrjetet sociale se për vitin akademik që sapo ka nisur, rreth 5,000 studentë të Universitetit të Tiranës do të akomodohen në “Qytetin e Studentit” në Tiranë.

Ai thotë se kjo shifër përbën një rritje prej 700 studentësh krahasuar me vitin e kaluar.

Rama e ka shoqëruar njoftimin me foto të godinave ku do të banojnë studentët.

“Mirëmëngjes dhe nga “Qyteti Studenti”, ku me nisjen e vitit të ri akademik do të akomodohen afro 5 mijë studentë të Universitetit të Tiranës, rreth 700 më shumë se vitin e kaluar, ju uroj një javë të mbarë”, shkruan Rama.

Kujtojmë se këtë të hënë më 6 tetor 2025, nis zyrtarisht viti i ri akademik në të gjitha universitetet publike dhe private në Shqipëri.