Rama paralajmëron ndryshim kursi për integrimin në BE

Kryeministri, Edi Rama thotë se nëse Bashkimi Evropian nuk do të caktojë një datë për nisjen e bisedimeve për anëtarësimin e Shqipërisë deri në qershor, atëherë do të kërkohet ndarja nga Maqedonia e Veriut.

Rama shprehet skeptik për Këshilli i BE-së në qershor të japë një lajm pozitiv nisur nga fakti se Bullgaria ka vendosur veton ndaj RMV-së.

“Në rast se edhe atëherë ne do të mbetemi peng i një situate që nuk ka lidhje fare me ne, nuk ka lidhje fare me punën tonë, nuk ka lidhej fare me asgjë që ka të bëjë me Shqipërinë, atëherë ne do ndryshojmë kurs e do kërkojmë me insistim që Shqipëria të trajtohet veç”, tha kreu i qeverisë.

Kryeministri ka bërë një deklaratë të tillë për televizionin publik RTSH gjatë vizitës në Gjermani.

Presidenti i Këshillit të BE-së, Charles Michel pritet të vizitojë nesër Tiranën.

Rama thotë se nuk pret ndonjë gjë vendimtare nga kjo vizitë duke shtuar se vendimtare janë reformat që Shqipëria duhet të vazhdojë.

LEXONI GJITHASHTU:

• Rama po përdor veton bullgare për vonesat e integrimit, pretendon Tabaku
• Lajçak: Rajoni duhet të shfrytëzojë momentin për integrimin në BE