Rama për ecurinë e vendit: I besoj 100% raportit të BE-së

Kryeministri Edi Rama shprehet se i beson 100% vetëm Raportit të Progresit të Shqipërisë nga Bashkimi Europian për ecurinë e vendit.

“Për mua ka vetëm një raport ndërkombëtar të thellë e të besueshëm 100% për ecurinë e vendit: Raporti i Progresit të Shqipërisë nga Bashkimi Europian – fakte jo perceptime, analiza objektive jo gjykime subjektive, skuadër profesionale me kohë të plotë, jo nënkontraktorë part-time!”, shprehet Rama në një postim në Twitter.

Për mua ka vetëm një raport ndërkombëtar të thellë e të besueshëm 100% për ecurinë e vendit: Raporti i Progresit të Shqipërisë nga Bashkimi Europian – fakte jo perceptime, analiza objektive jo gjykime subjektive, skuadër profesionale me kohë të plotë, jo nënkontraktorë part-time!

— Edi Rama (@ediramaal) October 31, 2022

Një ditë më parë kryeministri Edi Rama bëri një tjetër reagim në rrjetet sociale, ku përgenjështroi mediat, të cilat kanë nxjerrë tituj të tipit: 700 mijë shqiptarë kanë ikur 12 vitet e fundit, 7 punonjës në ditë ikin nga policia apo 3 vite pas tërmetit s’kanë shtëpi.

Sipas Ramës këta tituj janë dezinformues dhe janë lajme të rreme të prodhuara nga ekrane private kombëtare.

LEXONI GJITHASHTU:

• Rama përgënjeshtron mediat: Tituj të rremë se nuk ju bëhen favore
• Rama tregon projektet: Do të ketë investime të tjera në Dibër
• “Fiton 5 fishin”, thirrja e Ramës: Punoni tokat, mos u largoni nga vendi