Rama për konferencën e parë: Shqipëria ulet në tryezën e Europës së Bashkuar

Kryeministri Edi Rama shprehu në faqen e tij zyrtare në Facebook kënaqësinë dhe krenarinë për konferencën e parë ndërqeveritare të Shqipërisë.

“Sot Shqipëria e të gjithëve ne, pa dallim feje, krahine, ideje, moshe a statusi social, Shqipëria e Skënderbeut, e rilindasve, e dëshmorëve të luftës, e martirëve të regjimit komunist, e studentëve të Dhjetorit ’90, Shqipëria e familjeve të zakonshme shqiptare, kudo ndodhen dhe e fëmijëve tanë kudo ku rriten me prindërit e tyre, ulet në tryezën e madhe të Europës së Bashkuar për të filluar negociatat për anëtarësimin e saj,” – shkroi Rama.

Kryeministri do të takohet sot me homologun maqedonas, Dimitar Kovaçevski dhe presidenten e Komisionit Europian, Ursula Von der Leyen në orën 08:30.

30 minuta më pas, ata do të zhvillojnë një konferencë të përbashkët për shtyp.

Ndërsa në orën 11:00, nis Konferenca e Parë Ndërqeveritare. Diskutimet janë të organizuara në dy panele.

LEXONI GJITHASHTU:

• Mbahen sot konferencat e para ndërqeveritare për Shqipërinë dhe RMV-në