Rama premton furnizim me ujë 24 orë nëse fiton zgjedhjet

Në fund të mandatit të tretë do të ketë 24 orë ujë të pijshëm në të 61 bashkitë e vendit. Kështu u shpreh kryeministri Rama gjatë prezantimit të programit për ujin për 4 vitet e ardhshme.

“Nga e thëna në të bërë është në mes një det i tërë. Deti mes të thënës ‘ujë 24 orë” dhe të bërës realitet të ‘ujit të pijshëm 24 orë’ në çdo rubinet ka qenë një nga detet më mëdhenj, më i të dallgëzuari përpara nesh kur morëm detyrën. Mandati i tretë do të garantojë në disa faza, furnizimin me ujë 24 unë në Tiranë, përshi Kamzën dhe Vorën. E njëjta gjë do të ndodhë me Vlorën, Shkodrën dhe Durrësin”, u shpreh kreu i qeverisë.

“Ne do të garantojmë më në fund 100% ujë të pijshëm 24 orë në zonat urbane në 61 bashki të vendit”, tha më tej ai.