Rama prezanton projektin: Monitorim me kamera të procesit mësimor

Kryeministri Edi Rama, gjatë një takimi për konsultimin për ndalimin e Tik Tokut, ka zbuluar se çfarë do të bëhet konkretisht për sigurinë në shkolla. Rama tha se marrëveshja me Emiratet e Bashkuara për një sistem monitorimi në shkolla pritet të bëhet në fund të dhjetorit dhe sipas tij kur ky projekt të implementohet do të kemi monitorim dixhital me kamera të procesit mësimor dhe ambienteve shkollore.

Rama tha gjithashtu se do vendoset në të gjitha hyrje-daljet e shkollave kontrolluesi dixhital i cili sinjalizon praninë e mjeteve metalike dhe telefonave në çantat ose veshjet e nxënësve.

“Projekti që kemi filluar prej afro një viti që po e finalizojmë tani dhe deri në fund të dhjetorit do firmosin dhe marrëveshjen për një sistem të monitorimit të shkollave me teknologji dhe do kemi asistencë financiare nga Emiratet e Bashkuara.

Ky sistem i testuar dhe provuar në Emiratet e Bashkuara me rezultate të jashtëzakonshme dhe që mundëson ndjekjen në kohë reale me kamera të gjithë procesit mësimor dhe jetës brenda mureve të oborrit të shkollës dhe çdo prind në çdo kohë mund të ketë akses për të parë fëmijën, klasën, aktivitetin mësimor thjesht duke bërë një kërkesë te shkolla dhe çdo lloj situate jashtë disiplinës mësimore është e regjistruar. Rezultatet e atij sistemi janë nxjerrë nga një ndjekje që është bërë atje punës së sistemit dhe ndryshimeve që ka sjellë.

Do të vendosim dhe një kontrollues dixhital në hyrje-daljet e shkollave për mjete metalike, telefona ose çdo lloj gjëje tjetër që fëmijët mund të marrin me vete.

LEXONI GJITHASHTU:

• “Tik Tok të mbyllet”- Prindërit të ndarë për rrjetet sociale: Fajin e ka familja
• Lë spitalin dhe dërgohet në burgun e të miturve autori i vrasjes së 14-vjeçarit