Rama publikon kërkesën e medias: Ja si funksionon shantazhi

Kryeministri Edi Rama ka publikuar në Twitter një foto nga kërkesa e një media për bashkëpunim me AZHBR-në.

Sipas dokumentit të publikuar një media kërkon 120 milionë lekë për të mbështetur një projekt që do u tregojë shqiptarëve vazhdimisht ecurinë e Shqipërisë rurale.

“AZHBR s’e plotëson dot kërkesën e shpjeguar në shumë faqe se si e qysh tërë dynjaja do shohë shqip/anglisht suksesin e saj,” – shkroi Rama dhe më pas publikoi një foto nga e njëjta media e cila i dedikoi një emision “gllabërimit të parave të bujqësisë”.

“Atëherë pllaka kthehet përmbys dhe dynjasë i jepet një emision i tërë me gllabërim parash të bujqësisë, një fabrikim nga fillimi në fund me gjysmë të vërteta që janë edhe gënjeshtrat më të mëdha, e ngjashme si dy pika uji me një fabrikim nga i njëjti kanal për Rilindjen Urbane,” – shtoi Rama.

LEXONI GJITHASHTU:

• Rama nga Korça: Qeveria ka dhënë 50 milionë lekë për bujqësinë
• “Shiksi i NonGratës”, Rama për grevën e pedagogëve: Baltaxhinj, s’i shërbejnë vendit
• “O Zot të qash a të qeshësh“, Rama reagon sërish ndaj akuzave për charter-at