Rama shpërndan videon nga operacioni delikat në zemër: Përgëzime mjekëve

Kryeministri Edi Rama ka shpërndarë në facebook rastin e një ndëryrjeje të suskseshme në zemër të kryer në Spitalin Universitar “Shefqet Ndroqi”.

Shefi i qeverisë falenderon mjekët për kryerjen me sukses të ndërhyrjes delikate dhe vlerëson investimet e bëra në sallat e kirurgjisë.

“Një ndërhyrje delikate në zemër tek një paciente 45-vjeçare e rioperuar pas 20 vitesh, u realizua me sukses nga ekipi i kardiokirugjisë në Spitalin Universitar “Shefqet Ndroqi”.

Një përgëzim me mirënjohje Dr. Rezart Devejës, Dr.Dervish Hasës, Dr.Ketion Menkshit, anestezistëve Dr.Marjeta Bilja dhe Dr.Anri Gongo, si edhe infermiereve Marinela Guri dhe Eriselda Kiço.

Në qendrën e dytë të rilindur publike të Kardiokirurgjisë, me sallat kardiokirurgjikale të pajisura me fjalën e fundit të teknologjisë dhe ekipin e talentuar e të përkushtuar të bluzave të bardha, po kryhen ndërhyrje nga më delikatet, me një gamë të gjerë dhe me rezultate shumë të mira”, shkruan Rama.