Rama: Shqipëria, rol kyç në tensionet Ukrainë-Rusi

Kryeministri, Edi Rama thotë se Shqipëria do të ketë një rol krah SHBA në diskutimet për çështjen e Ukrainës në OKB.

Shqipëria do të jetë bashkë shkruese (co-penholders) me SHBA të draftit për zgjidhjen e tensionit mes Rusisë dhe Ukrainës.

Kryeministri tha se duke treguar gatishmërinë për këtë çështje bëhet edhe më e qartë se Shqipëria është pro ruajtjes së paqes dhe promovimit të sigurisë.

“Është pa diskutim një përgjegjësi  e re dhe shumë e madhe por edhe një konfirmim i padiskutueshëm i një Shqipërie tjetër në arenën ndërkombëtare i një Shqipërie që vlerësohet për karakterin, qëndrueshmërinë edhe për aftësinë në luajtjen e rolit që i takon si një vend që promovon paqen sigurinë, si një vend që nga njëra anë është anëtar i NATO-s, nga ana tjetër është një vend me pozicion të spikatur dhe vlerësuar në rajonin tone,” – tha Rama.

Sipas kryeministrit ky zhvillim është kurorëzim i përpjekjeve që Shqipëria të ketë nivel tjetër në marrëdhëniet ndërkombëtare. Roli i vendit në konfliktin Rusi-Ukrainë është provë se Shqipëria ka forcë fjale dhe nuk qëndron “si një vrimë e fundit të kavallit”.

LEXONI GJITHASHTU:

• Presidentja e KE-së paralajmëron sanksione për Rusinë nëse sulmon Ukrainën