“Asnjë grua, vetëm 3000 meshkuj afrikanë”? Rama sqaron marrëveshjen me Melonin

Kryeministri Edi Rama, në fjalën e mbajtur në forumin e medias për Evropën Juglindore, foli lidhur me marrëveshjen me Italinë për emigrantët.

Rama i cilësoi dezinformime lajmet e përhapura në mediat e të dyja vendeve lidhur me këtë marrëveshje, që siç tha synon të japë një farë zgjidhjeje për një problem që i ka prekur të gjithë.

“Edhe kaq ditë pas nënshkrimit të asaj marrëveshjeje duhet t’i përgjigjem pyetjet për 3 mijë meshkuj afrikanë, që nuk ka qenë kurrë kështu. Kryeministrja italiane tha se gratë shtatzëna dhe të miturit nuk do të përfshihen në këtë program, do të merren dhe do të çohen menjëherë ku mund t’u jepet ndihma e menjëhershme. Nuk e di sa e sa herë gjatë këtyre ditëve më është dashur ta sqaroj dhe vazhdoj të mbetet e ngulitur në të gjitha ato fantazi që prodhohen nga këto gënjeshtrave për t’u përdorur pastaj për luftë politike. Do vijnë afrikanët këtu, të uritur seksualisht… Deri në këtë pikë. Pyetja për ju njerëz është si mund të luftohet kjo gjë, dhe ky është vetëm një shembull që ka përfshirë dy vende. Ajo që më shqetëson më shumë është se nuk ka më dialog, ka llogore nga ku më pas kryhen sulme”, tha Rama.

LEXONI GJITHASHTU:

• KiE për Euronews Albania: Marrëveshja Itali-Shqipëri, zhvendosje e përgjegjësive
• “Pse në bregdet?”- Marrëveshja për emigrantët, Prifti: Nuk i kemi borxh Italisë