Rama: Stop qumështit dhe bulmetit pa faturë! Sekuestro e gjoba nga java e ardhshme

Kryeministri Edi Rama përmes një postimi në rrjetet sociale ka paralajmëruar se nga java e ardhshme do të sekuestrohen produktet e bulmetit, qumështi dhe mishi pa faturë, duke i cilësuar si një kërcënim direkt për shëndetin, sidomos në kushte temperaturash të larta. Rama thotë se siguria ushqimore është kyçe për një vend që synon të ulet në tryezën e BE-së.

“Nga java e ardhshme çdo prodhim i tillë do të sekuestrohet, sepse përbën një kërcënim direkt të shëndetit sidomos me temperaturat e larta dhe subjektet tregtuese do të gjobiten skajshëm

Siguria ushqimore dhe formalizimi i të gjithë zinxhirit tregtar nga ferma në tryezë është një domosdoshmëri, e cila nuk pret më për një vend që synon të ulet në tryezën e Bashkimit Europian deri në fund të kësaj dekade.”-thuhet në postim.

Nga ana tjetër Rama bën të ditur se postim se Ministrja e Bujqësisë Anila Denaj dhe Ministri i Financave Petrit Malaj zhvilluan takime ndërgjegjësuese me bizneset për të garantuar mbrojtjen e konsumatorit dhe gjurmimin e plotë të dokumentacionit fiskal për produktet blegtorale dhe jo vetëm.

LEXONI GJITHASHTU:

• Rama: Taksë më e lartë kushdo që ka shtëpi të dytë, do t’i mbyllim legalizimet
• Rama publikon pamje nga aksioni në Vlorë: Plazhi publik iu rikthye qytetarëve