Rama takim me drejtuesin e kompanisë teknologjisë së lartë në Japoni

Në ditën e dytë të vizitës së tij në Tokio, kryeministri Rama ka takuar drejtuesin e kompanisë së tekonoligjisë së lartë ‘Sumitomo Electric’.

Kreu i qeverisë shkruan se objektivi është të hapen 1000 vende të reja pune.

“Mirëmëngjes, dhe me ditën e dytë të vizitës zyrtare në Japoni, që nisi me takimin me drejtuesin e kompanisë të teknologjisë së lartë “Sumitomo Electric”, me 400 filiale në botë në elektronikë, infokomunikacion, mjedis, energji, si edhe 1200 punonjës në Shqipëri, ku objektivi është të hapen edhe 1000 vende të reja pune, ju uroj një ditë të mbarë.”- shkruan Rama.

Gjatë vizitës së tij zyrtare në Tokyo, Rama do të zhvillojë një sërë takimesh. Rama do të zhvillojë një takim bilateral me Kryeministrin i Japonisë Fumio Kishida, si dhe do të marrë pjesë së bashku me delegacionin që e shoqëron, në darkën e shtruar prej tij.

Viti 2022 shënoi 100 vjetorin e marrëdhënieve të miqësisë mes Shqipërisë dhe Japonisë.

LEXONI GJITHASHTU: 

• “Stomatologji, ekonomi, dhe IT”, degët e preferuara të studentëve në universitete
• Polonia do t’i dorëzojë Ukrainës tanket Leopard 2 në dy ose tre javët e ardhshme