Rama tregon pse zgjodhi Manastirliun për Tiranën: Kam dëshmitarë

Ogerta Manastirliu, kandidatja e Partisë Socialiste për bashkinë Tiranë ishte e ftuara e parë e sezonit të ri të podcastit “Flasim” të kryeministrit Edi Rama.

Gjatë bisedës Rama tregoi edhe arsyen se pse vendosi ta kandidonte pikërisht Manastirliun për kryetare të Bashkisë Tiranë. “Nga të gjitha anketimet që kemi bërë Manastirliu ishe kryetarja e bashkisë që shumica donte”, tha Rama.

“Ti e di shumë mirë që kemi bërë anketime të vazhdueshme dhe dimë çfarë mendojnë njerëzit për temat, për shqetësimet, edhe, në një farë mënyre, dimë edhe si t’i interpretojmë. Dhe në rastin konkret, në të gjitha anketimet dhe në të gjitha rrugët e testimit të opinionit, ti ishe kryetarja e bashkisë që shumica donte, me diferencë nga çdo lloj emri tjetër që kemi testuar, dhe kam dhe dëshmitarë për këtë. Kjo ishte arsyeja që unë s’kisha ç’të pyesja, edhe pse prapë do pyesja; por domethënë kjo ishte akoma më e thjeshtë. Besoj se Tirana do të ketë jo vetëm të parën grua kryetare bashkie në historinë e vet, por një kryetare bashkie që nuk do mbetet jashtë atij grupi njerëzish që në këtë qytet kanë bërë histori”, tha Rama.

LEXONI GJITHASHTU:

• Rama: Veliaj u çua në paraburgim pa gjyq, por Tirana nuk mund të presë
• Rama fton Manastirliun në “Flasim”: Ti do jesh kryetarja e re e Bashkisë Tiranë