Rama uron besimtarët myslimanë: Gëzuar Ramazanin! Agjërim të lehtë dhe të pranuar

Kryeministri Edi Rama ka uruar besimtarët myslimanë për nisjen e muajit të shenjtë të Ramazanit.

“Gëzuar Ramazanin. Agjërim të lehtë dhe të pranuar”, shkruan Rama në një postim të faqen e tij në Facebook.

Besimtarët mysliman në mbarë vendin nisin nga kjo e enjte muajin e Ramazanit, i cili konsiderohet më i shenjti për besimtarët. Sipas fesë islame në këtë muaj thuhet se u shpall kurani, si udhëzim për njerëzit. Në nisjen e një muaji agjërimi, kreu i komunitetit mysliman Shqiptar Bujar Spahiu ka përcjellë urimet për të gjithë besimtarët.

Për 30 ditë me rradhë besimtarët mysliman do të agjërojnë duke u privuar nga e ngrëna dhe dëshirat. Për një mysliman ramazani është mundësi për përmirësim individual dhe kolektiv për pastrim shpirtërorë dhe ndërtimin e një shoqërie të ndërtuar mbi vlera të shëndosha.

Në këtë muaj apeli shkon për të ndihmuar të dobtit dhe ata që janë në nevojë dhe të kthehet ky muaj në një burim paqeje dhe shprese për të gjithë.