Rama zotohet në Peqin: Do ndërtojmë 4 aeroporte dhe 4 porte të reja turistike

Kryeministri Edi Rama gjatë një takimi elektoral në Peqin u zotua për rritje të turizmit në këtë qytet, pasi premtoi restaurimin e kalasë

“Duke e transformua kalaja e Peqinit do të sjellë shumë njerëz dhe të ardhura”, u shpreh kreu i qeverisë.

“Peqini në këto zgjedhje do të çojë dy çuna të vetët në këto zgjedhje.  Janë shumë i vetëdijshëm që për Peqinin ka shumë gjëra për të bërë”, shtoi ai më tej.

Rama premtoi se nëse do të jetë sërish në pushtet do të ndërtojë 4 aeroporte dhe 4 porte të reja turistike.

“Unë gjatë këtyre ditëve ka folur për planin e madh që ne kemi, për transformimin e Shqipërisë përmes ndërtimit të 4 aeroporte dhe 4 porte të reja turistike që do të sjellin këtu turistë nga mbarë bota.  Do ta bëjmë Shqipërinë kampione të turizmit në Ballkan dhe ta fusin në ligen evropianë të turizmit”, përfundoi kreu i qeverisë.