Qeveria zotohet se do të mbrojë konsumatorët nga rritja e çmimit të energjisë

Kryeministri Edi Rama deklaroi mëngjesin e së premtes se do të mbrojë konsumatorët familjarë nga “rritja e papërballueshme e çmimit të energjisë”.

Ai sqaroi në një komunikim në faqen e tij zyrtare në Facebook se Shqipëria do të preket nga kriza energjitike duke qenë se ble energji jashtë vendit dhe është e lidhur me çmimin në bursë.

Ndërsa iu përgjigjej pyetjeve të qytetarëve Rama theksoi se Shqipëria prodhon energji në mot të lagësht dhe shet atë që tepron në një kohë kur rajoni nuk ka nevojë, andaj çmimi është i lirë. Ndërkohë kur Shqipëria ble energji, është në një kohë kur ka thatësira dhe nevoja është e madhe prandaj çmimi është më i lartë.

“Prandaj po ndërtohet Skavica, që të kemi rezerva, prandaj po konvertojmë TEC-in e Vlorës me gaz të lëngshëm që të kemi burim energjitik të planifikueshëm, jo të varur nga Zoti,” – tha ai.

Kryeministri i vendit sqaroi gjithashtu dhe çështjen e rritjes së rrogave, që siç tha bëhet në varësi të kapaciteteve ekonomike të vendit, dhe krahasimin me vendet e huaja e bën sepse pavarësisht ekonomisë së një vendi, çmimi në bursë për energjinë është i njëjti.

LEXONI GJITHASHTU: 

• Rritja e çmimit të energjisë, Preçi: Çështje keqmenaxhimi, Shqipëria e pandikuar nga tregjet ndërkombëtare
• Shqipëria e treta në Europë; prodhon 5 milionë MWh energji në vit, por nevojiten 7
• Energjinë e shesim lirë, e blejmë shtrenjtë, në 2018 humbën 10 mln euro në treg