Ramaphosa: Pretendimet se afrikanët po persekutohen kërcënojnë sovranitetin tonë

Presidenti i Afrikës së Jugut, Cyril Ramaphosa ka deklaruar se ideologjia e supremacisë së bardhë dhe pretendimet e rreme se pakica afrikane po persekutohet për arsye racore përbëjnë një kërcënim për sovranitetin dhe sigurinë kombëtare të vendit.

Që kur mori detyrën për mandatin e tij të dytë presidencial në SHBA në janar, Donald Trump ka pohuar vazhdimisht pa prova se qeveria e Afrikës së Jugut po konfiskon tokë dhe po inkurajon dhunën kundër fermerëve të bardhë.

“Disa në shoqërinë tonë ende i përmbahen nocioneve të superioritetit racor dhe kërkojnë të ruajnë privilegjin racor”, tha Ramaphosa.

Sipas tij propaganda e këtyre pretendimeve të rreme ka implikime reale për sovranitetine vendit të tij, marrëdhëniet ndërkombëtare dhe sigurinë kombëtare. Ai theksoi se është thelbësore që t’i  dalin kundër këtyre narrativave.

SHBA- të bojkotuan samitin e udhëheqësve të G20-ës muajin e kaluar në Johanesburg dhe argumentuan se një konsensus nuk mund të arrihej në mungesë të tij. Takimi, i udhëhequr nga Afrika e Jugut, përmendi rëndësinë e trajtimit të çështjeve të tilla si pabarazia gjinore dhe përkeqësimi i klimës.

Samiti i vitit 2026 do të zhvillohet në resortin e golfit Trump National Doral Miami në Florida, i cili është në pronësi të Organizatës Trump. SHBA-të kanë ftuar Poloninë në vend të Afrikës së Jugut në takimet e para të presidencës së G20-ës më vonë këtë muaj.

LEXONI GJITHASHTU:

• SHBA: Trump lejon Nvidia të eksportojë çipa të avancuar AI tek klientë në Kinë
• Siguria ajrore gjermane e shqetësuar: Rrezik nga kërcënimi i dronëve