Raporti i BE: Jeta për myslimanët po bëhet gjithnjë e më sfiduese në Evropë

Studimi, i realizuar midis shtatorit 2021 dhe tetorit 2022, vë në dukje se përqindja e muslimanëve që raportojnë përvoja të racizmit ka arritur 47%, nga 39% para vitit 2016.

Austria (71%), Gjermania (68%) dhe Finlanda (63%) janë identifikuar si vendet me nivelin më të lartë të diskriminimit, ndërsa Suedia (22%), Spanja (30%) dhe Italia (34%) raportuan nivele më të ulëta.

Raporti thekson se gratë që mbajnë simbole fetare, si shamia, përballen me diskriminim të përforcuar, sidomos në punësim, me 45% që raportojnë diskriminim në mjediset e biznesit, një rritje nga 31% në 2016. Gjithashtu, rreth 35% e pjesëmarrësve kanë përjetuar vështirësi në kërkimin e strehimit për shkak të diskriminimit.

Drejtoresha e FRA, Sirpa Rautio, e quajti situatën alarmante, duke theksuar se racizmi dhe diskriminimi janë nxitur nga konfliktet në Lindjen e Mesme dhe retorika anti-myslimane në Evropë. Ajo apeloi për një shoqëri të përfshirë dhe të respektueshme për të gjithë qytetarët e BE-së, pavarësisht nga ngjyra e lëkurës, prejardhja ose feja.

Zëdhënësja e FRA, Nicole Roman, theksoi se vështirësitë për muslimanët në BE po vazhdojnë të rriten, duke nxitur nevojën për veprime konkrete për të luftuar diskriminimin dhe për të siguruar një mjedis më të sigurt për të gjithë.

LEXONI GJITHASHTU:

• “Myslimanët mos të përdorin flamurin kombëtar”-Arbër Gashi sqaron statusin e tij
• Besimtari i krishterë në Xhaminë e Namazgjasë: Gjigande! Erdha me gruan myslimane