Raporti i DASH: Korrupsion në gjyqësor dhe prokurime, koncesionet problematike

Departamenti Amerikan i Shtetit, në raportin e fundit për klimën e investimeve ne Shqipëri, shkruan se korrupsioni vazhdon të rrezikojë zhvillimin ekonomik në vend dhe të cenojë shtetin e së drejtës.

Me nota kritike edhe për vitin 2021, raporti thotë se korrupsioni në gjyqësor dhe prokurime është i zakonshëm për vendin tonë.

Sipas DASH, edhe koncesionet (projektet e partneritetit publik privat) cilësohen problematike, pasi për to nuk është bërë analizë e mirëfilltë për kostot dhe përfitimet, duke ulur mundësinë e konkurrencës, përfshirë edhe nga investitorët e huaj.

Pavarësisht nga një kuadër i shëndoshë ligjor dhe përparimi në reformën, investitorët e huaj e perceptojnë Shqipërinë si një vend të vështirë për të bërë biznes.

LEXONI GJTHASHTU:

• DASH kritikon Shqipërinë për mungesën e rezultateve në dënimin e trafikantëve