Raporti i FMN-së, Basha: Konfirmoi atë që kërkojmë prej muajsh, qeveria të japë ndihmë financiare për familjet

Kryetari i Partisë Demokratike, Lulzim Basha në një postim në Facebook thekson se raporti i FMN-së për Shqipërisë konfirmon ndihmën financiare që qeveria duhet t’u japë familjeve shqiptare.

Sipas Bashës, Shqipëria meriton një qeveri që kujdeset për njerëzit dhe jo për veten e vet

“Fondi Monetar Ndërkombëtar publikoi një raport kritik mbi situatën ekonomike në Shqipëri. Raporti konfirmon atë që ne i kemi kërkuar qeverisë Rama për muaj me radhë: të japë më shumë ndihmë financiare familjeve shqiptare.

Raporti thekson: “Paketat e mbështetjes COVID-19 të Shqipërisë janë më të vogla se mesatarja e atyre në tregjet në zhvillim dhe Ballkanin Perëndimor”. Shqipëria është ndër vendet që ofrojnë ndihmën më të vogël ekonomike për qytetarët!

Qytetarët shqiptarë meritojnë më shumë. Shqipëria meriton një qeveri që kujdeset për njerëzit dhe jo për veten e vet”, shkruan kryedemorati.

Ky reagim i kryedemokratit vjen pasi Fondi Monetar Ndërkombëtar publikoi raportin për Shqipërinë, ku thuhet se pandemia Covid bëri që deficiti të arrijë në 10 për qind të PBB-së.

Në raport theksohet se Shqipëria, me paketat e ndihmës që dha qeveria për qytetarët dhe bizneset, rezulton vendi me asistencën më të vogël financiare në rajon.

Lexoni gjithashtu:

Paketat e ndihmës, FMN: Shqipëria vendi i fundit në rajon, ekonomia bie -7.5%