Raporti i OKB-së për drogën, Salianji: Këto rekorde janë arritjet e vetme të regjimit Rama-Doshi

Në raportin e fundit të zyrës globale të Kombeve të Bashkuara për krimin dhe drogat, Shqipëria përmendet në shtetet kryesore të origjinës së kanabisit në Evropë dhe e gjashta në botë për 2015-2019.

Për raportin e OKB-së ka reaguar deputeti i i zgjedhur Ervin Salianji, i cili u shpreh se këto të dhëna pasqyrojnë sipas tij, “arritjet e regjimit Rama-Doshi”.

Z. Salianji tha se të dhënat e këtij raporti përbëjnë një imazh negativ për Shqipërinë në sy të ndërkombëtarëve.

“Arritje që i kanë nxirë faqen Shqipërisë ndërkombëtarisht dhe e kanë futur vendin tonë në një listë të zezë nga e cila fiton vetëm regjimi dhe humbasin familjet shqiptare”, u shpreh z. Salianji.

Ai tha se modeli që ka ndërtuar Edi Rama për qeverisjen, bën që Shqipëria të renditet e para kur bëhet fjalë për krimin dhe drogën dhe e fundit për arritjet ekonomike.

“Sepse modeli i ndërtuar nga Edi Rama, ai i bashkëpunimit me krimin dhe i dorëzimit të vendit në duart e ortakëve të tij, duke e licencuar lulëzimin e kanabisit veçanërisht në periudhën zgjedhore, ka bërë që Shqipëria të jetë e para për drogën dhe korrupsionin, por e fundit në Evropë për të ardhurat për frymë, sikurse dëshmojnë të dhënat e publikuara pak ditë më parë nga Eurostat-i”, u shpreh Ervin Salianji.

LEXONI GJITHASHTU:

Raporti i OKB-së për drogën, Shqipëria e para në Europë për kanabisin

“Shtohet trafiku i drogës në Europë”, raporti i OKB: Po përfshihen shumë kontrabandistë nga Ballkani