Raportime për bomba në disa shkolla të Podgoricës, ndërpritet mësimi

Mësimi në disa shkolla fillore në Podgoricë është ndërprerë sot për shkak të raportimeve për bomba të vendosura në ambientet e tyre, raporton portali RTCG.

Portali mëson se mësimi është ndërprerë në shkollat ​​fillore “Savo Pejanoviç”, “Maksim Gorki”, “Sutjeska”, “Branko Bozhoviç” dhe “Vuk Karaxhiq”, si dhe janë evakuuar edhe nxënësit e shkollës së mesme profesionale “Spasoje Raspopoviç”.

Drejtoria e Policisë ka njoftuar se raportimet për bomba të vendosura në ato institucione janë pranuar në adresat elektronike të disa shkollave në Podgoricë.

Ministria e Arsimit të Malit të Zi ka njoftuar menjëherë pas marrjes së informacionit për bombat e raportuara; ka thirrur të gjitha shkollat ​​fillore dhe të mesme dhe ka rekomanduar që nxënësit dhe punonjësit të dalin nga objektet shkollore dhe të informojnë Drejtorinë e Policisë për të gjitha aktivitetet, raporton RTCG.

LEXONI GJITHASHTU:

• Thirrja e Abazoviçit: Mali i Zi dhe Serbia të zgjidhin mosmarrëveshjet
• Mali i Zi ekstradon në SHBA dy të kërkuar nga FBI