Rasti i pabesueshëm në Itali, mjekët heqin tumorin 70 kg, më i rëndë se pacienti

Një operacion për të hequr një tumor beninj me madhësi rekord është kryer në spitalin e qytetit Molinete në Torino.

Mjekët italianë hoqën një tumor ovarian nga një grua e re që peshonte mbi 70 kilogramë, më shumë se sa peshon vetë pacientja tani.

“Nuk ka asnjë precedent në literaturë për një masë tumorale të hequr me peshë të ngjashme. Tumori e kishte mbushur të gjithë barkun e pacientes deri në mushkëri, aq sa ajo nuk merrte frymë”, thonë nga spitali i qytetit.

Gruaja u shpëtua falë një operacioni të dyfishtë që e çliroi nga një formacion shumë i gjerë beninj i zgjerimit të barkut, raporton La Repubblica.

Media italiane shkruan se gruaja javët e fundit kishte shkuar në urgjencë me probleme të frymëmarrjes. Situata ishte shumë e rëndë dhe ajo rrezikonte të vdiste nga ngjeshja që stomaku i shkaktoi në mushkëri dhe organet e barkut.

Operacioni rezultoi i suksesshëm dhe e reja pas katër ditësh u transferua në Repartin Klinik të Dietologjisë dhe Ushqyerjes dhe më pas doli nga spitali.

LEXONI GJITHASHTU:

• Në Itali e bëjnë fakt, Luigi Di Biagio në krye të kombëtares shqiptare
• Qeveria e Italisë do të shpallë të paligjshme festat e palicencuara