Reagimet pas vdekjes së 5 emigrantëve: Londra dhe Parisi duhet të gjejnë zgjidhjen

Vdekja e pesë emigrantëve në përpjekje për të hipur në një varkë të mbingarkuar në ujërat e akullta të Kanalit Anglez ka ngritur sërish pikëpyetjen sesi autoritetet franceze dhe britanike po përballen me krizën e emigracionit.

Prefekti i rajonit Pas-de-Calais tha për gazetarët se trafikantët po rrezikojnë jetën e emigrantëve.

Por për kryebashkiakun e Le Portel, Londra dhe Parisi duhet të gjejnë zgjidhjen për këtë problem.

“Ne kryetarët e bashkive jemi vërtet të shqetësuar. Ne jemi këtu për të sjellë rroba, për të sjellë këtë solidaritet komunal dhe kombëtar, por më pas, ne jemi krejtësisht të pafuqishëm. Mendoj se me të vërtetë zgjidhja mund të jepet mes Francës dhe Britanisë”,-tha Olivier Barbarin, Kryetari i bashkisë së Le Portel.

Ndërsa Papa Françesku, një intervistë të dielën me transmetuesit televizivë amerikanë kërkoi që emigrantët, shpesh të trajtuar si objekte, të mos përballen me dyer të mbyllura, duke theksuar nevojën për ndihmë në vendet ku kërkohet fuqi punëtore.

LEXONI GJITHASHTU:

• Industritë më të përqëndruara në BE, Eurostat: 22% në duar të 4 kompanive
• Emigrimi në Gjermani, kur dhe si ndryshon rregullorja për punëtorët shqiptarë