Reali këmbëngul për Bellingham, mes dëshirave edhe Samuele Ricci

Reali i Madridit është një nga skuadrat më të kompletuara në botën e futbollit, por sërish drejtuesit e klubit mendojnë a përforcojnë edhe më tepër grupin.

2 janë synimet e vendosura për merkaton e ardhshme të transferimeve, Bellingham dhe Ricci. Të dy aktivizohen në reparti ne mesfushës, njëri tek Dortmundi dhe tjetri tek Torino.

Bellingham është një nga lojtarët më të kërkuar ne Europë, ku pas tij janë vendosur disa skuadra si Reali, Manchester City, Manchester United apo Barcelona.

19-vjeçari prej 3 vitesh është pjesë e verdhezinjve ku numëron 87 paraqitje, ndërsa ka shënuar 8 gola. Plani i madrilenëve është rinovimi i skuadrës, kryesisht në mesfushë ku dyshja Modric-Kroos ka një moshë relativisht të madhe, ndaj në vijim duhen gjetur zëvendësuesit e tyre. Duket se as Camavinga e as Tchouameni nuk mund ta marrin përsipër një peshë të tillë.

Një rol të tillë ka dhe mesfushori Samuele Ricci, 21-vjeçari që aktivizohet tek skuadra e Torinos në Itali. Ricci preferohet nga drejtuesit madrilenë, ndërsa pohojnë se mund të përshtatet shpejt në skuadër. I dalë nga academia e Empolit, tanimë pjesë e torinezëve prej 1 sezoni, i riu është në orbitën e disa skuadrave evropiane. Në vijim pritet të ketë dhe diçka serioze me dy lojtaret e kërkuar nga klubi.

LEXONI GJITHASHTU:

• Champions League| ‘San Siro’ mirëpret supersfidën, Reali pret Çelsin
• Reali leksion Barcelonës, madrilenët fituan 0-4