Reali leksion Barcelonës, madrilenët fituan 0-4

Ndeshja e kthimit mes Barcelonës dhe Realit të Madridit ka rezultuar një spektakël nga madrilenët, të cilët janë finalistët e kupës së mbretit.

Të besuarit e Carlo Ancelottit mposhtën Barcelonën me rezultatin e thellë 0-4, ndërsa njeriu i ndeshjes ishte Benzema me një tripletë.

Francezi shënoi 3 herë në rrjetën e Ter Stegen, duke mos i lënë asnjë shans këtij të fundit, i cili zhvilloi një paraqitje të mirë.

Goli i parë i përballjes erdhi nga Vinicius Junior në pjesën e parë, duke barazuar rezultatin në total për të dyja ndeshjet. 5 minuta nga pjesa e dytë Benzema do të dyfishonte avantazhin, ndërsa në vijim shënoi dhe 2 gola të tjerë, për të hipotekuar tripletën dhe vulosur kualifikimin.

Blaugranët arritën të ishin të suksesshëm vetëm në qarkullimin e topit, por që vlejti vetëm për statistikë. Kështu Reali i Madridit mbërrin në finale e kupës së mbretit, aty ku do të përballet me Osasunën, e cila në fazën paraardhëse eliminoi Atletik Bilbaon. Një triumf i galaktikëve në finale do të shënonte trofeun e 20 në kupë.

LEXONI GJITHASHTU:

• Osasuna në finale të kupës, Barcelona përballet me Realin e Madridit
• Barcelona merr vendim për Messin