Reali ‘shuplakë’ Liverpool-it, madrilenët pranë fazës çerekfinale

Reali i Madridit ka rrëmbyer një fitore spektakolare ndaj Liverpoolit në Anfield. Galaktikët zhvilluan një paraqitje të jashtëzakonshme, duke hedhur kandidaturën si pretendentët kryesor për fitimin e trofeut.

Paraqitja ndaj të kuqve në Ligën e Kampionëve tregoi një ‘kockë’ të fortë, ku edhe pse Liverpooli kaloi në avantazh fillimisht me Nunez dhe më pas me Salah, arriti të rikuperonte gjithçka.

Dygolëshi i Vinicius Zhunior solli barazpeshën e përkohshme. Minutat në vijim, shoku psikologjik në anën e vendasve, bëri që të shënoheshin dhe 3 gola të tjerë nga Reali. Me nisjen e pjesës së dytë Militao kaloi për herë të parë në avantazh Realin, ndërsa dopieta e fituesit të Topi të Artë Benzema vulosi fitoren 2-5.

Në Gjermani, Napoli hodhi një hap të madh drejt çerekfinaleve të Uefa Çempions Lig, pasi mposhti Frankfurtin vendas 0-2. Në pjesën e parë ishte sulmuesi gjeorgjian që humbiu një 11 metërsh, por i përhershmi Osimhen zhbllokoi rezultatin.

Në minutën e 65’, Di Lorenco shënoi golin që vulosi triumfin, duke u dhënë më tepër qetësi të tijve për ndeshjen e kthimit. Një paraqitje të jashtëzakonshme dhuroi dhe qendërmbrojtësi i Kosovës, Amir Rrahmani.