Reciprociteti i targave, Haxhiu: Qytetarët e kanë parë aktin e Kurtit si pjesë të fushatës elektorale

Sot ka nisur zbatimi i marrëveshjes mes Kosovës dhe Serbisë për targat.

Në lidhje me reciprocitetin e targave, analisti Baton Haxhiu tha në emisionin “Shock” se Albin Kurti ka bërë një veprim racional, por në kundërshtim me deklaratat e tij të mëparshme.

Analisti Haxhiu tha se ky akt është parë nga qytetarët e Kosovës si pjesë e fushatës elektorale, gjë që do e dëmtojë, sipas tij, Vetëvendosjen në zgjedhjet lokale në Kosovë.

“Kur një qytetar i Kosovës sheh këtë përballje, i shkaktohet një frikë. Nga sondazhet del se 19,6% e qytetarëve në Kosovë, e kanë trajtuar këtë fenomen si të tepërt dhe si pjesë të fushatës zgjedhore dhe mund ta ndryshojnë votën në zgjedhjet lokale, pas 13 ditësh”, u shpreh Baton Haxhiu.

Analisti tha se Albin Kurti e ka të vështirë ta “rikthejë autoritetin”, pasi veprimet e tij dhe të Vetëvendosjes janë të kundërta me ato që ka deklaruar dhe për të cilat i ka votuar populli në Kosovë.

“Kjo që po bën tani është shkelje e të gjitha atyre që ka deklaruar më herët, sjellje si politikan i zakonshëm dhe një frikacak kryeministër”, tha Baton Haxhiu.

LEXONI GJITHASHTU:

• Paralajmërimi i Ramës për krizë, Bushati: Ngjante si hartim i një nxënësi të klasës 8-vjeçare