F1 | Lajmi i fundit

Red Bull konfirmon largimin e Newey’t

1 Maj 2024 | 16:53

Tre herë kampionët në fuqi për konstruktorë zyrtarizuan lajmin e pak ditëve më parë.

Adrian Newey do të largohet nga skuadra pas 20 viteve kontribut në Milton Keynes. Newey u bashkua me Red Bull në prag të sezonit të dytë në Formula 1 në vitin 2006 duke u qënë njeriu thelbësor që shndërroi skuadrën nga mesi i tabelës dhe renditja në zonën e pikëve, në fituese të garave dhe kampione të Botës.

Red Bull rregjistron 6 tituj për konstruktorë dhe 7 të tjerë për pilotë mes Sebastian Vettel dhe Max Verstappen përkatësisht – me makinat e dizenjuara nga Newey që është në rrugë të mbarë për një tjetër titull të dyfishtë në botërorin e këtij viti që vjen tek ju nëpërmjet EuroNews Albania. Në prag të “Miami Grand Prix”, skuadra konfirmoi se Newey do të largohet nga roli i “Chief Technical Officer” në tremujorin e 1’rë të vitit 2025.

Njoftimi i Red Bull sqaron se Newey do të tërhiqet me efekt të menjëhershëm nga detyrat në Formula 1 për t’iu përkushtuar përfundimit të së 1’rës “hypercar” të kompanisë që është pagëzuar RB17. Gjithashtu ai do të jetë i pranishëm në gara specifike për të ndihmuar skuadrën në fundin e këtij sezoni në Formula 1.

Vetë Newey falenderon Oliver Mintzlaff për mbështetjen dhe Eddie Jordan që e solli në Formula 1. Nuk ka munguar edhe vlerësimi nga Team Principal dhe CEO i Red Bull, Christian Horner që e përshkruan mikun e tij si një “Legjendë të vërtetë”, vizioni i të cilit ndihmoi skuadrën në fitimin e 13 titujve në 20 sezone. Ndërsa Newey do të qëndrojë në “Red Bull Technology Group” deri në tre mujorin e 1’rë të vitit të ardhshëm, është ende e paqartë se cfarë do të ndodhë me të në të ardhmen.

Raportet e fundit bëjnë fjalë për një interesim të Ferrari’t, që vitin e ardhshëm do të ketë Lewis Hamilton në skuadër. Aston Martin gjithashtu përmendet si një destination i mundshëm. Një gjë është e sigurtë, kudo që të përfundojë, Neëey do të jetë një aset.

LEXONI GJITHASHTU: