Reforma e pensioneve, qeveria e Macron përballet me votë mosbesimi

Qeveria franceze do të përballet me dy vota mosbesimi të hënën për shkak të reformave për rritjen e moshës së pensionit.

Kryeministrja Elisabeth Borne përdori nenin 49:3 kushtetues për ta shtyrë projektligjin pa votim javën e kaluar.

Që atëherë, mijëra qytetarë kanë dalë në rrugët e Francës duke protestuar.

Mocionet e mosbesimit janë depozituar nga deputetët e qendrës dhe Tubimi Kombëtar i ekstremit të djathtë, në parlament dhe ato do të mbahen në orën 16:00

Nëse mocionet e mosbesimit do të kenë sukses, presidenti Emmanuel Macron nuk do të rrezikoj të humbas punën e tij, por pozicionet e zonjës Borne dhe qeverisë do të rrezikoheshin. Macron ose mund të emërojë një qeveri të re ose të shpërndajë Asamblenë Kombëtare dhe të thërrasë zgjedhje të reja.

Ndërsa nëse mocionet e mosbesimit rezultojnë të pasuksesshme, projektligji për rritjen e moshës së pensionit nga 62 në 64 do të bëhet ligj.

Macron ka argumentuar se popullsia e moshuar e Francës e bën skemën aktuale të pensioneve të papërballueshme. Por ky nuk është një mendim që ndajnë të gjithë në parlament.

Aleatët e Macron janë në pakicë në dhomën e ulët të Asamblesë Kombëtare, por që mocionet e mosbesimit të kenë sukses, e gjithë opozita duhet të bashkohet.

LEXONI GJITHASHTU:

• “Kujdesu për fëmijën”- Fjalët e fundit të Vitales, borxhi 500 mijë € dhe shqiptarët
• “Gjaku lahet me gjak”- Vritet gjyshi, prishi ‘paktin’ për shitjen e mbesës 6 mijë €